Jumat kemaren (30/12) jadi Begaya Jumat terakhir di tahun 2011. Tim Begaya pengen banget bikin yang beda dari biasanya. Gimane caranye bisa nutup Begaya weekdays di tahun ini pake nyang spesial? Beruntung akhirnye kesampean juga ngedatengin tamu siaran nyang seru.
Bunda Dorce, begitu tim Begaya mulai dari produser, penyiar, ampe operator manggil salah satu entertainer hebat Indonesia, Dorce Gamalama.
Dateng setengah jam sebelum on air, Bunda Dorce nyang hari entu make setelan batik motif daun cakep plus jilbab ame kacamata gaya, udeh duduk manis di salah satu spot favorit di Bens Radio. (Penasaran dimane? Mangkenye nyok maen kemari..)
Begitu ngebuka segmen Buka Pintu, Uwie Rogaye ame Arya Tanjidor udeh dikalahin ame ramenye sapaan Bunda Dorce. Tim Begaya dibikin ngakak ame jawaban-jawaban ame komentar artis serba bisa eni tiap ngebahas sesuatu.
Nyang jelas, penasarannye Abang None tentang rencananye hijrah ke Amrik udeh kejawab langsung.. “Yang pasti, aku udeh bikin passport buat ke US sama Kanada.. pengen istirahat dulu dari mumetnye setahun kemaren disini yang jadi pelajaran banget.. Balik ape kaganye kemari, belum tau.. kalo balik pastinye dengan keadaan yang lebih baik Insya Allah, kalo tinggal nama aje yang jelas Bunda kagak sia-sia juga karena udeh banyak ninggalin sesuatu..”
Bunda Dorce emang udeh banyak banget berbuat sesuatu, baik di dunia hiburan ame karya-karyanye, atawe di dunia sosial. Beliau punya Yayasan Halimatussadiyah buat anak-anak asuhnye, juga ngebangun masjid buat tempat ibadah orang banyak, dan masih banyak lagi. Ini nyang bikin die selalu dicintai ame masyarakat Indonesia.
Gagal ngebina rumah tangga dan kejadian-kejadian kaga ngenakin di taun 2011 kaga bikin Bunda Dorce nyerah. Doi malah asik ngejadiin itu candaan, kalo bahasa bulenye, “no hurt feeling”. Mungkin sifat besar hati itu juga yang ngejadiin dia sosok yang kuat banget ampe sekarang. Salut buat Bunda Dorce!
Yang bikin perut kite sakit ketawa mulu adalah saat Bunda Dorce ngasih petuah-petuah ke beberapa artis seperti Saiful Jamil, Kris Dayanti, ampe Andi Mallarangeng.. katenye sih, Bunda emang demen banget tadinye ame kumis Bang Andi.. tapi begitu die udah jadi Menteri, ga jadi suka lagi, hehe.. langsung diralat lho.. “Gue sih paling favoritin kumisnye Bang Benyamin tetep!”
Sebagai penutup Bunda Dorce berharap taun 2012 bakalan jadi taun yang bisa ‘ngebayar’ semua pahit di taun 2011 eni. Amiiin.. Sukses buat Bunda Dorce dimanapun nanti akhirnya meneruskan karya-karyanye ye!
Begitu ngebuka segmen Buka Pintu, Uwie Rogaye ame Arya Tanjidor udeh dikalahin ame ramenye sapaan Bunda Dorce. Tim Begaya dibikin ngakak ame jawaban-jawaban ame komentar artis serba bisa eni tiap ngebahas sesuatu.
Nyang jelas, penasarannye Abang None tentang rencananye hijrah ke Amrik udeh kejawab langsung.. “Yang pasti, aku udeh bikin passport buat ke US sama Kanada.. pengen istirahat dulu dari mumetnye setahun kemaren disini yang jadi pelajaran banget.. Balik ape kaganye kemari, belum tau.. kalo balik pastinye dengan keadaan yang lebih baik Insya Allah, kalo tinggal nama aje yang jelas Bunda kagak sia-sia juga karena udeh banyak ninggalin sesuatu..”
Bunda Dorce emang udeh banyak banget berbuat sesuatu, baik di dunia hiburan ame karya-karyanye, atawe di dunia sosial. Beliau punya Yayasan Halimatussadiyah buat anak-anak asuhnye, juga ngebangun masjid buat tempat ibadah orang banyak, dan masih banyak lagi. Ini nyang bikin die selalu dicintai ame masyarakat Indonesia.
Gagal ngebina rumah tangga dan kejadian-kejadian kaga ngenakin di taun 2011 kaga bikin Bunda Dorce nyerah. Doi malah asik ngejadiin itu candaan, kalo bahasa bulenye, “no hurt feeling”. Mungkin sifat besar hati itu juga yang ngejadiin dia sosok yang kuat banget ampe sekarang. Salut buat Bunda Dorce!
Yang bikin perut kite sakit ketawa mulu adalah saat Bunda Dorce ngasih petuah-petuah ke beberapa artis seperti Saiful Jamil, Kris Dayanti, ampe Andi Mallarangeng.. katenye sih, Bunda emang demen banget tadinye ame kumis Bang Andi.. tapi begitu die udah jadi Menteri, ga jadi suka lagi, hehe.. langsung diralat lho.. “Gue sih paling favoritin kumisnye Bang Benyamin tetep!”
Sebagai penutup Bunda Dorce berharap taun 2012 bakalan jadi taun yang bisa ‘ngebayar’ semua pahit di taun 2011 eni. Amiiin.. Sukses buat Bunda Dorce dimanapun nanti akhirnya meneruskan karya-karyanye ye!
0 komentar