Pernah denger tokoh Mukidi? atau Pak RT Nikolas Sarko'i di acara Sandiwara Ojek Bang Jali bulan puasa kemaren? Ini dia orangnye yang asli abang none, namenye Ali Musaid.Abang ganteng (kate bininye) kelahiran Kutoarjo 17 Oktober eni emang paling bisa deh abang none kalo soal akting komedi. Die eni salah satu jagonya creative di Bens Radio. Tugasnye sehar-hari jadi Produser acara Pantun Ceplas Ceplos ame Angin Sore, tapi kreatifitasnye kaga terbatas di dua acara entu aje. Yang namenye Ali Musaid kaga pernah bisa diem, ade aje yang dikerjain termasuk mukenye sendiri. Eni die muke hasil rombakan akibat kaga bisa diem.
Kaga heran kalo abang kite yang satu eni jago komedinye, soalnye die eni pernah jadi pemenang lomba lawak se-Jabotabek tahun 1992,dan pemenang Festival Humor Ala Mahasiswa di RCTI tahun 1997. Pokonye yang berhubungan ame komedi pernah die jabanin. Mau kenalan ame Bang Ali? paranin aje kemari ke Bens Radio atawe ketok tuh Facebooknye Ali Musaid.
0 komentar